Beyrût-SANA
Serokê Encumena Wezîran a Libnanê Newaf Selam tekezî li ser giringîya çalakkirina rola Encumena Karsazîyê ya Libnanî-Sûrî kir; her wiha xwest ku ev encumen bibe çarçoveyeke çalak ji bo xurtkirina pevguhertina bazirganî, handana veberhênanên hevbeş û hêsankirina tevgera hinartina berhemên Libnanî û tranzîtê di ser Sûrîyê re.
Selam îro Duşemê, di dema pêşwazîkirina Serokê Desteyên Aborî û Wezîrê Berê Mihemed Şuqêr, Serokê Encumena Karsazîyê ya Libnanî-Sûrî Xelîl El-Ereb û şandeyeke ji endamên encumenê de, ku Wezîrê Aborî û Bazirganîyê Amir El-Besat jî amade bû, got: “Xurtkirina hevkarîyê di warên veguhastin û enerjîyê de dê derfetên nû li pêşîya sektora taybet veke û bandoreke erênî li ser aborîya her du welatan bike.”
Li gorî nûçeya malpera Serokatîya Wezîran a Libnanê ya li ser platforma “X”ê, di hevdîtinê de rêyên xurtkirina têkilîyên aborî, bazirganî û veberhênanê yên di navbera Libnan û Sûrîyê de hatin gengeşekirin.
Her wiha çareserkirina astengîyên li pêşîya sektora taybet û rakirina kelemên li pêşîya pêşxistina hevkarîya her du welatan hatin nirxandin.
