Şam – SANA
Rêveberê Banka Navendî ya Sûrîyê Ebdulqadir El-Huserîyê tekez kir ku desteserkirina komeke Qeterî li ser 49% ji bankeke Sûrî, nîşana geşbînîya bi bazareke hêvîdar û dîtina Banka Navendî ye ji bo xurtkirina rola sektora bankî di fînansekirina kesan û karan de ji bo piştgirîkirina aborîyê.
El-Huserîyê pesna hevkarîya alîyê firoşkarê pişka xwe di banka Sûrî de da, û tekez kir ku xebat ji bo bidestxistina pêşketineke berbiçav berdewam e. Wî ev destkeftî wekî berhema dîtineke çaksazî ya zelal nirxand, û eşkere kir ku peyman û gavên zêde di demeke nêz de ji bo xurtkirina çaksazîya sektora darayî têne çaverêkirin.
Borsaya Qeterê di 26ê vê mehê de ragihand ku kompanya “Mesarif”, ku ser bi kompanya “Istismar Holding” ve ye, bi rêya ” Istismar Capital ” 49% ji Banka Şehba ya li Sûrîyê li gorî peymanekê li Şamê bi dest xistiye, ev yek wekî xurtkirina berfirehbûna wê ya herêmî tê.
