Şam-SANA
Rêveberê Peywendîya Hikûmî li Wezareta Enerjîyê Ehmed El-Suleyman tekez kir ku sektora elektrîkê li Sûrîyê piştî rizgarkirinê, ji ber hilweşîna giran a binesazîya sîstema elektrîkê, rûbirûyî pirsgirêkên mezin bûye.
Rêjeya Bikaranînê di Navbera Pêwîstî û Realîteyê de
Li gorî El-Suleyman, rêjeya bikaranîna elektrîkê li Sûrîyê bi qasî 7000 megawatt tê texmînkirin, û Sûrîye dikare bi qasî 5000 megawatt hilberîne, lê belê, ji ber kêmbûna amûrên xebitandinê û pêwîstîya bi gaza xwezayî, hilberîna rastîn niha 2200 megawatt e.
Binesazîyeke Jihevketî û Santralên Wêrankirî
El-Suleyman zelal kir ku gelek parêzgehên Sûrîyê ji ber hilweşîna binesazîya elektrîkê di gundewar an jî di hin bajaran de, dinalin, û pêwîstîya wan bi nûjenkirin û pêşxistineke berfireh a torên elektrîkê heye.
Fatûreya Elektrîkê
Rêveberê Peywendîya Hikûmî li Wezareta Enerjîyê dîyar kir ku fatûreya elektrîkê niha pir kêm e, tevî hebûna zirareke mezin di sektorê de ku bi qasî milyarek dolar salane tê texmînkirin. El-Suleyman her wiha zelal kir ku tora elektrîkê li Sûrîyê xelekî ye, ji ber vê yekê her zêdebûnek di hilberînê de dê bandoreke erênî li ser hemî parêzgehan bike.
Kişandina Gazê
El-Suleyman got ku Wezaretê dest bi parastina xetên veguhestina gazê kiriye, û xeta gazê di navbera Sûrîye û Tirkîyê de hatiye girêdan, ku vê yekê derfet daye kişandina gaza xwezayî ji Azerbaycanê bi rêya Tirkîyê.
Xerckirina Sazîyên Hikûmî
El-Suleyman destnîşan kir ku paşê guhertinek di fatûreya elektrîkê de li gorî sîstema beşikan pêkan e, lê zêde jî kir ku guhertin dê ne tenê xerckirina malbatan li xwe bigire, lê dê sazîyên sektora hikûmî jî li xwe bigire.
Plana Stratejîk a Demdirêj
Li gorî El-Suleyman, Wezareta Enerjîyê hewl dide ku planeke stratejîk a demdirêj pêk bîne ku armanca wê gihîştina hilberîna tam a enerjîya elektrîkê û çûna ber bi qonaxa hinardekirinê ve ye, û peydakirina elektrîkê 24 demjimêran e.
Rêveberê Peywendîya Hikûmî yê Wezaretê bal kişand ser hevtêgihîştinên ku berê hatine îmzekirin, û niha vediguherin peymanên cîbicîkar, destnîşan jî kir ku hevkarîyek bi koma cîhanî ya UCCê re ji bo piştgirîkirina hilberîna elektrîkê li Sûrîyê heye.
Tevî tedbîrên berê, pêdivîya sektora elektrîkê bi hin stratejîyan heye ku pirsgirêkên vê sektorê bi çareserîyên domdar ên ku dewlet û welatî tê de beşdar in, çareser bike.
TAGGED: Jinûveavakirina Sîstema Elektrîkê, Şam, Wezareta Enerjîyê
