Şam- Sana
Kompaniya ″Piramids″ ya berhemdarê misrî Mihemed El-Şerîf, ahengek li xwaringeha ″Qesir Keywan″ li şamê bi helkefta destpêkirina şanoya ″Vegera Bab El-Hara″ li dar xist.
Di wê ahengê de tevaya akterên şanoyê amade bûn, di etmosferek ji çalakiyên kevnetorî mîna ‘Eradaya Şamî û ji bilî wê jî ji çalakiyên hunerî wek stranên kêfê û herweha hin çalakiyên din ên balkêş.
Ev şanoya ku dîrokê û dema niha tevlî hev bike û bi awayekî komîdî gelek dîmenên civaka ereban berçav dike, dê ji nîvê heyva tê de li ser dika şanoya ″Dar El-Opera″ ya li şamê were pêşkêşkirin.
Berhemdarê misrî El-Şerîf, di daxwiyaniyekê ji Sanayê re got ku giringiya vê şanoyê ew e ku berhemeke erebî ye û ji cemawerê sûrî û erebî re ye.
Merwan Qawûq, nivîserê şanoyê, got ku ev berhem nameyên civakî, niştimanî, hezkirin û hişyarkirinê dighîne.
Derhênerê şanoyê Sefwan Mistefa Ne’imo, tekez kir ku ev şano ronîyê dide ser giringiya şanoyên bazirganî û aktîvkirina wan li nav civaka erebî.
Umeye Meles ku yak ji ekterên şanoyê ye, piştî behsa rola xwe di şanoyê de kir, got ku ev berhem giring e ji ber ku careke din dan û standina şanoger û cemawer bi awayekî yekser vejîn dike.
Ridwan Qentar jî behsa rola xwe di şanoyê de kir û got ku cemawerê ereb tîyê şanoyê ye û em hêvîdar in ekterên şanoyê kesatiyên wê bi awayekî afrêner pêşkêş bikin.
Hunermend Semîr Şemmat jî piştî behsa rola xwe kir got ku kesatiyên şanoyê nimûneyek pêşketî ji kesayetên televizonê ne, û em çavnêrên serkeftinê ne bi hebûna cemawerên ereb.
Ev aheng bi awayekî bicoş bû û giringî da berhemdana karên hunerî yên hevbeş ku hevkariya hunermendên Misir û Sûriyê nimûneyeke wê ye.
