Şam – SANA
Şaxê Lêgerîna Tawanan ê girêdayî Rêveberîya Ewlehîya Tawanan, kesê ku berî pênc rojan li bajarê Sehnayayê li Gundewarê Şamê bi gulebarankirinê ciwanek kuştibû, desteser kir.
Hêzên Ewlehîya Navxweyî duh Înê ragihand, tifinga ku kujer di tawanê de bi kar anîbû jî hatiye desteserkirin.
Her wiha berê li ser torên civakî vîdyoyek hatibû belavkirin ku kêlîya vê tawanê li Sehnayayê nîşan dida; tê de çekdarek ji otomobîla xwe peya dibe û ji nêz ve guleyan li welatîyekî di otomobîleke din de direşîne, ku di encamê de ew welatî di cih de canê xwe ji dest dide.
