Şam-SANA
Rêveberîya Têkoşîna li Dijî Madeyên Hişbir, bi hevahengîya ligel Rêveberîya Giştî ya Karûbarên Madeyên Hişbir û Psîkotropîk li Iraqê, hewldana qaçaxçîtîya barên mezin ên madeyên hişbir pûç kir. Ev yek bi rêya zincîre operasyonên taybet ên ku li parêzgehên Gundewarê Şamê û Himsê hatin encamdan, pêk hat.
Wezareta Hundir di daxuyanîyekê de îro Yekşemê da zanîn ku di encama van operasyonan de, 1,730,000 hebên hişbir ên “Keptagon”ê hatin desteserkirin, ku ji bo qaçaxçîtîya ber bi welatekî cîran ve hatibûn amadekirin. Her wiha 8 endamên torê ku jinek jî di nav wan de heye, hatin girtin.
Wezaretê tekez kir ku Rêveberîya Têkoşîna li Dijî Madeyên Hişbir wê operasyonên xwe yên taybet bi hevahengîya ligel hevkarên herêmî berdewam bike, bi armanca şopandina torên qaçaxçîtîya madeyên hişbir û tundkirina rênimayên pêwîst ji bo rêgirtina li derbasbûna van jehran û sînorkirina belavbûna wan.
