Şam-SANA
Sûrîyê, bi nûneratîya Wezîrê Derve û Koçberan Es’ed Hesen El-Şeybanî, û Fransayê, bi nûneratîya Wezîrê Derve Jean-Noel Barrot, îro Sêşemê danezana çarçoveyeke hevkarîya seranserî îmze kirin. Ev yek jî bi amadebûna Serok Ehmed El-Şeri’ û hevtayê wî yê Fransî Emmanuel Macron pêk hat, bi mebesta xurtkirina têkilîyên navbera her du welatan di gelek waran de.
Ev gav jî piştî ku El-Şeri’ û Macron serokatîya civîna maseya dorhêl a di navbera alîyên Sûrî û Fransî de li Koşka Gel a li Şamê dikir, hat. Di civînê de, îmzekirina çendîn peyman û memorandumên hevtêgihiştinê di warên veberhênanê di sektorên girîng de hat ragihandin, ji bo piştgirîkirina jinûveavakirinê li Sûrîyê.
Serok El-Şeri’ di dema civînê de got ku: Em dabaşa sîstemeke tekûz dikin, ji nûkirina fîloya me ya esmanî, karkirina firokexaneyan û nûjenkirina sîstemên veguhastina esmanî, heta bi lêgerîna enerjîyê di avên me yên herêmî de, nûjenkirina torên av û elektrîkê, û gihîştina bi sektorên nexweşxaneyên zanîngehan, pîşesazîya xwarinê û nûjenkirina binesazîya dîjîtal û tomara sivîl.”
Her wiha lê zêde kir: “Bajarên me yên pîşesazî amade ne ku bibin platformeke destbikarbûnê ji bo kargehên we. Ya ku piştgirîya vê yekê dike, xwespartina me ye bi vejîna Sûrîyê bi biryareke serwerî. Em jîngeheke veberhênanê ya nûjen ava dikin ku yasa û sazî tê de serdest in.”
Serok El-Şeri’ bal kişand ser wê yekê jî ku hevkarîya stratejîk a ku em bi Fransayê re ava dikin, ew model e ku em ji bo têkilîyên xwe yên bi Ewropa û cîhanê re dixwazin. Hevkarîyeke ku ne bi slogan û dirûşman, lê belê li ser hîmê berjewendîyên ku xizmeta gelên Sûrîyê û Fransayê dikin tê avakirin.
Ji alîyê xwe ve jî, Serok Macron amadebûna welatê xwe ji bo piştgirîkirina jinûveavakirina li Sûrîyê nîşan da. Wî tekez kir ku Fransa dê di gelek warên girîng de bibe şirîka veberhênanê, di nav wan de sektorên enerjî û bankan, ji bilî hebûna komîteyên aborî yên berfireh û hevbeş ku bi hevkarîya ligel welatên Kendavê li ser vê yekê kar dikin.
