Şam-SANA
Balyozxaneya Tirkîyê li Şamê îro Înê, bi helkefta 80 salîya Cejna Celayê (derketina Fransa ji Sûrîyê) pîrozbahî li gelê Sûrîyê kir û tekezî li ser nirxê dîrokî yê vê rojê di pêvajoya serwerîya niştimanî de kir.
Balyozxaneyê di weşanekê de li ser platforma “X”ê got: “Em ji dil roja rizgarbûna Sûrîyê ku dikeve 17ê Nîsanê pîroz dikin. Ev roja taybet a ku tê de serxwebûn di sala 1946an de bi dest xist, wek nîşaneke bihêz a serwerî, rûmet û vîna niştimanî di bîrewerîya gelê Sûrîyê de cih girtiye.”
Balyozxaneya Tirkîyê hêvîya xwe ji bo paşerojeke aram ji Sûrîyê re anî ziman û got: “Bi vê helkefta xwedî wateyeke kûr, em ji bo gelê Sûrîyê yê bira siberojeke ku aştî, aramî û geşepêdan lê serdest bin dixwazin.”
