Enqere-SANA
Yekîtîya Giştî ya Sendîkayên Karkeran li Sûrîyê û Yekîtîya Sendîkayên Karmendên Serktora Giştî li Tirkîyê (MEMUR-SEN), li Enqereyê peymaneke hevkarîyê îmze kirin. Armanca peymanê pêşxistina peywendîyên sendîkayî, pevguhertina ezmûn û şandeyan û xurtkirina xebata hevpar di dozên hevbeş ên her du alîyan de ye.
Peyman pevguhertina şandeyan ji bo dîtina ezmûnên hev ên sendîkayî, pevguhertina name û materyalên ragihandinê, pêşkêşkirina şêwirdarî, rahênan û hînkirinê, li darxistina komxebatên hevpar û pevguhertina pisporan li xwe digire.
Serokê Yekîtîya Giştî ya Sûrîyê Fewaz El-Ehmed, tekez kir ku ev peyman îradeya avakirina peywendîyên demdirêj ên li ser bingeha berjewendîya hevpar nîşan dide. Ji alîyê xwe ve, Serokê “MEMUR-SEN”ê Ali Yalçin, dîyar kir ku ev gav asoyên nû yên hevkarîyê vedike, ku piştgirîya mafên karkeran dike û jîngeha kar li her du welatan pêş dixe.
