Şam – SANA
Rêveberê Têkilîyan di Sazîya Dergehan de Mazin Elûş, jinûvekirina dergehê “Et-Tenef – El-Welîd” ligel Iraqê ragihand. Armanc ji vê gavê xurtkirina hevkarîya aborî ya di navbera her du welatan de ye.
Elûş (bi rêya Facebookê) ragihand ku derbasbûna nefta Iraqê (tranzît) ber bi bendera Banyasê ve dest pê kiriye. Wî eşkere kir ku dergehê El-Ye’rubîye – Rebî’e ji bo xebata tam di destpêka meha Gulanê de tê amadekirin. Her wiha, xebat hene ku dergehê Sêmalka – Fîşxabûr bi awayekî fermî bixin nav sîstema gumrikê da ku peywenda aborî û bazirganî xurt bibe.
Serokê Sazîya Dergehan Quteybe Bedewî ligel şandeyeke payebilind a Iraqî rêkarên lezkirina vekirina dergehê “Et-Tenef – El-Welîd” gotûbêj kirin. Di civînê de planek hat eşkerekirin ji bo avakirina dergehekî nû li Bûkemalê wekî alternatîfa cihê niha.
