Enqere-SANA
Wezîrê Ragihandinê Hemze El-Mistefa, di xebatên lûtkeya “Stratcom 2026” de li Tirkîyê, stratejîyên nû yên Sûrîyê ji bo têkbirina sextekarîya medyayî û avakirina gotareke neteweyî ya bi hêz ragihandin.
Wezîr tekez kir ku ew hewl didin hevkarîya bi Enqereyê re di warên ragihandin û peywendîyan de xurt bikin, bi taybetî di mijarên dijatîya gotara nefretê û hesabên sexte de; û pesna ezmûna Tirkîyê di vî warî de da.
Li ser asta navxweyî jî, Mistefa eşkere kir ku wan li gorî bingehên pîşeyî, pergaleke nû daye sektora ragihandina Sûrîyê, da ku derfetê bêtir bidin çapemenîya taybet û ya bîyanî.
El-Mistefa tekez kir ku “têkilîya stratejîk” êdî bûye stûneke bingehîn ji bo piştgirîya aramîya herêmî, nexasim di dema guherînên navdewletî û krîzên îro de yên ku di lûtkeyê de hatin gotûbêjkirin.
