Zurich-SANA
Yekîtîya Ewropayê ya Futbolê “UEFA” dê nêzîkî 2.4 mîlyar euro li ser yaneyên beşdar di Xula Qehremanên Ewropayê de ji bo werzê 2026-2027an belav bike; di nav de xelata beşdarbûnê ya 18 mîlyon euro ji bo her tîmek ji 36 tîmên di koma yekgirtî de, lê yaneyên ku ji qonaxa biryardar (Play-Off) bên derxistin û derbasî Xula Ewropayê bibin dê 4.2 mîlyon euro bi dest bixin.
Li gorî malpera “UEFA”yê, serkeftîyê her lîstikeke qonaxa yekem 2.1 mîlyon euro hemberî 700 hezar euro ji bo wekhevîyê bi dest dixîne.
Digel xelatên kombûyî ku li gorî qonaxê bilind dibin: 11 mîlyon euro ji bo heştekê dawîyê, 12.5 mîlyon euro ji bo çarêka dawîyê, 15 mîlyon euro ji bo nîvê dawîyê, û 18.5 mîlyon euro ji bo dawîyê (Fînalê), her wiha 6.5 mîlyon euroyên zêde ji bo yê qehreman.
“UEFA” 853 mîlyon euro di çarçoveya “stûna nirxê” de belav dike, ev stûn jî mezinahîya bazara weşana televîzyonî û rêzbendîya dîrokî ya yaneyê di nav 10 salên dawî de digehîne hev, da ku hemû dahatên ku qehreman dikare bi dest bixe bigihêjin nêzîkî 110 mîlyon euro.
