Mîamî-SANA
Yekîtîya Navneteweyî ya Futbolê (FIFA) ragihand ku dê xelateke aştîyê bide destpêkirin, û nîyeta wê heye ku cara yekem di dema tîrûpişka Kûpaya Cîhanê ya 2026an de, ku biryar e di pêncê meha pêş de li Wașingtonê pêk were, bide.
Ajansa Associated Press ji zarê serokê FIFA “Gianni Infantino” di foruma karsazîyê ya Amerîkî de li Mîamî duh ragihand ku wî gotiye: “Xelat, ku bi navê Xelata Aştîyê ya FIFA tê zanîn, dê ji bo “kiryarên awarte yên ji bo aştîyê” were dayîn,” û lê zêde kir: “Di cîhaneke ku her diçe aloz û dabeş dibe de, pêwîst e beşdarîya berbiçav a wan kesên ku ji bo bidawîkirina nakokîyan û komkirina mirovan bi ruhê aştîyê re zehmet dikin, were naskirin.”
Infantino destnîşan kir ku tê çaverêkirin ku tîrûpişka Kûpaya Cîhanê, û dayîna xelata aştîyê, li seranserê cîhanê nêzîkî milyarek temaşevan bikişîne.
Yekîtîya Futbolê dîyar kir ku xelat, ku dê îsal ji alîyê Infantino ve were pêşkêşkirin, dê salane “li ser navê temaşevanên ji hemû aliyên cîhanê” were dayîn.
Kûpaya Cîhanê dê li Amerîka, Kanada û Meksîkayê di navbera 11ê Hezîranê û 19ê Tîrmeha 2026an de were lidarxistin, û dê hejmareke rekor a lîstikan bi tevahî 104 lîstik ku ji alîyê 16 bajaran ve têne mêvandarîkirin, bibîne.
