Berlîn-SANA
Lêkolînerên Alman teknolojîyeke nû ya ku xwe dispêre zîrekîya destkird pêş xistine, ku armanca wê avakirina kopyên dîjîtal ên sê-rehendî yên zîrek ji bo cihê tawanê ye, da ku alîkarîya lêkolîneran di dîtina belgeyên girîng de bike û lêpirsînan lezgîn bike.
Malpera zanistî ya Amerîkî “Knowridge” duh Şemîyê belav kir ku lêkolînerên li Zanîngeha Teknîkî ya Munichê bi hevkarîya ligel Ofîsa Polîsê Tawanbarî ya Wîlayeta Bavyerayê ya Almanyayê, bernameyeke zîrekîya destkird pêş xistine ku dikare tiştên di hundirê cihê tawanê yê virtual de nas bike û wan bixweber dabeş bike, da ku lêkolîner karibin pirsan ji sîstemê bikin û bersivên bi lez wergirin, bêyî ku hewcedarîya lêgerîna di nav bi sedan wêneyan de bi destan hebe.
Lêkolîner dibêjin ku teknolojîya nû wan modelên dîjîtal pêş dixe yên ku polîsê Bavyerayê niha bi kar tîne, ku tê de bi sedan wêne ji alîyên cuda ve tên yekkirin ji bo hilberandina kopyeke virtual ji bo cihê tawanê ku dikare piştî rakirina cihê tawanê jî were lêkolînkirin.
