Tokyo-SANA
Şirketa Japonî ya vexwarekan Suntory, ragihand ku ew berhemeke nû ya ava fonksyonel dide destpêkirin ku tê bawerkirin ku di kêmkirina rûnên zik de alîkar e, û bi fermî li Japonyayê di rêzbendîya “Xwarekên Fonksyonel” de cih digiren, ku bi şêweyeke qanûnî û li ser bingehê lêkolînên zanistî yên pejirandî sûdên van berheman dikarin werin ragihandin.
Şirketê, li gorî malpera rojnameya aborî ya Japonî “The Nikkei”, dîyar kir ku ava nû xasma karmendên ofîsan û kesên ku şêwazên jîyana wan bi rûniştina dirêj û kêmbûna çalakîya fîzîkî ve têne dîyarkirin, yên ku ji berhevkirina rûnên li dora zik dinalin, armanc digire.
Şirketê her wiha anî ziman ku berhem asîda HMPA (3-(4-hîdroksî-3-metoksîfenîl) propîyonîk) dihewîne, ku ew pêkhateyeke molekulî ya piçûk e ku ji paşmayên birincê tê wergirtin, û di nav pêkhateyên fînolî yên gîyayî de tê dabeşkirin, û tê bawerkirin ku di kêmkirina rûnên hundirîn û baştirkirina belavbûna rûnên li dora zik de beşdar dibe.
Wekî din jî, şirketê piştrast kir ku ava nû bê reng, bê tam û bê bêhn e, her weha bê kalorî, bê şekir û bê kafeîn e, û di teşe û tama xwe de ji ava asayî cuda nabe, lê ew bi sûdên xwe yên tenduristî tê naskirin.
