Waşington-SANA
Tîmeke zanistî ji Zanîngeha Johns Hopkins a Amerîkî û Enstîtuya Leibniz a Astrofîzîkê li Almanyayê, nêzîkî vekirina yek ji sirên herî aloz ên gerdûnê bûye, ku ew jî sira “bûjena (made) tarî” ye ku nêzîkî çaryeka rûbera gerdûnê pêk tîne, lê nayê dîtin û bi awayekî rasterast nayê têbînîkirin.
Li gorî rojnameya Brîtanî Daily Mail, raveyên hûr ên daneyên teleskopa esmanî “Fermi” ya girêdayî ajansa “NASA”yê, hebûna çirûskeke nepenî ya tîrêjên gamayê li navenda galaksîya Rêya Kadizê nîşan da.
Lêkolîneran pêşnîyar kir ku ev şewq dibe ku ji ber lihevketina perçeyên bûjena tarî be. Bi bikaranîna kompîturên hûrbîn, tîmê modelek çêkir ku çav li peydabûna galaksîyê di nav ewrekî mezin ê madeya tarî de dike.
Profesor Joseph Silk ji tîmê piştrast kir ku ev encam “pêngaveke girîng ber bi tekezkirina hebûna bûjena tarî” nîşan didin û wiha lê zêde kir: “Çavdêrîkirina heman sînyalan di galaksîyên biçûk ên nêzîk de dê bibe belgeyek ku ev madeya nepenî rastîyeke gerdûnî ye.”
Hêjayî gotinê ye ku teza bûjena tarî berî dora sedsalekê ji bo şîrovekirina liv û tevgerên nefêmbar ên galaksîyan hate pêşnîyarkirin, çiku lêkolîn dîyar dikin ku ew nêzîkî çaryeka rûbera gerdûnê pêk tîne, lê ew bi awayekî rasterast nayê dîtin.
