Şam – SANA
Serok Ehmed El-Şeri’ tekez kir ku dawîya şerê bi rêjîma rûxîyayî re destpêka cengeke nû bû di qadên xebat, hewldan û nêzîkkirina gotinan bi kiryaran re, amaje bi danîna nêrîneke zelal ji bo Sûrîya nû kir, wekî dewleteke xurt ku girêdayî rabirdûya xwe ye û li paşeroja xwe dinêre.
Di gotareke dema pîrozbahîya salvegera yekemîn a rizgarîyê de li Koşka Konferansan li Şamê, Serok El-Şeri’ qutbûneke dîrokî ji serdema zordestî û tepeserîyê bo berbangeke nû ku li ser hîmê dadmendî, qencî, hemwelatîbûn û jîyana hevbeş hatiye avakirn, ragihand. Her wiha tekez kir ku mafê gel di zanîn û lêpirsînê de, piştre hesabxwestin an lihevhatin, bingeha aramîya dewletê ye û garantîyek e ji bo dubarenebûna binpêkirinan.
Serok El-Şeri’ got: “Rêjîma rûxîyayî xwest fitne û cudahîyê bixe nava lawên gelê me, lewma di navbera desthilat û gel de bendên tirs û xofê danîn, vîna mirovan qels kir û bawerîya wan bi wan şikand, welatê me di war û pisporîyên cuda de kaşî nizmtirîn pileyan kir, û li ser xizankirin, nezanhiştin û bêparkirina gel ji mafên wî karekî zêde kir.”
Serok El-Şeri’ axaftina xwe wiha berdewam kir: “Lê îro û bi hilhatina roja azadîyê re, em qutbûneke dîrokî ji wê mîrasê radigihînin, û hilweşandineke temamî ji xeyala neheqîyê re û veqetîneke dayîmî ji serdema zordestî û tadeyê ber bi berbangeke nû ve ku li ser bingeha dadmendî, qencî, hemwelatîbûn, jîyana hevbeş, afirînerî û geşbûna di avakirina welêt de ye.”
Li ser asta aborî û veberhênanê, Serok El-Şeri’ dîyar kir: “Me hevkarîyên stratejîk bi welatên dost re di sektorên jînwarî de girêdan, ku enerjî, bender, balafirgeh, xanûber û peywendî li xwe girtin, û ev hevkarî di bihêzkirina başbûna aborî û başkirina binesazîya aborîya niştimanî de beşdar bûn.”
Lê li ser asta jîyan û debara jîyanê, Serok El-Şeri’ got: “Me hewl da ku sîyaseta aborî rast bikin da ku rasterast bandorê li welatîyan bike, lewma me asta dahatê hêdî hêdî bilind kir, êş kêm kir û jîngeheke aram û dadmendtir damezrand.”
Her wiha anî ziman: “Me hêzên leşkerî yên cuda di nava artêşeke niştimanî ya yekbûyî de, ku li ser pîşesazî û dilsozîya sazîyê ji welat re ava bûye, kirin yek, ku ev yek di çespandina ewlehî û aramîya welat de beşdar bû.”
Di berdewamîya axaftina xwe de, Serok El-Şeri’ got: “Em qet windabûyan û malbatên wan ji bîr nakin, yên ku dozeke mirovî raber dikin ku pêşengîya wê heye û tu bazarî tê de nîne, û em pabend in bi lêgerîna li rastîyê bê rawestan.”
Serok El-Şeri’ gotina xwe wiha kuta kir: “Ji bo wan kesên ku bi xwîn, îşkence, birîn û azarên xwe rê ji me re xweş kirin, ji mucahid, dîl, şehîd, birîndar, şoreşger û têkoşeran, û ji bo hemû malbatên wan, hezar rêz û hezar silav.”
