New York-SANA
Serokê Komara Erebî ya Sûrîyeyê, Ehmed El-Şara’, piştrast kir ku doza gelê Sûrîyeyê dozeke dadperwer û birûmet e, li dijî rejîmeke xwînmij hatiye ku gelek komkujî û tawanên cengê pêk anîne.
Serok El-Şara’ di hevpeyivîneke bi General David Petraeus re, Rêvebirê berê yê Ajansa Îstixbarata Navendî ya Amerîkayî (CIA), got: “Şerê rizgarkirina Sûrîyeyê, bi saya ezmûna ku me li Îdlibê bi dest xist, bi zîyanên herî kêm pêk hat.”
Serok El-Şara’ lê zêde kir ku: “Sûrîyeyê, di şêst salên çûyî de gelek alozî bi xwe re anîne, ji bo wê, em nikarin di carekê de hemîyan çareser bikin, lê hino hino.”
Serok El-Şara’ rave kir ku: “Hilweşîna rejîmê qonaxeke dîrokî ya nû ji bo herêmê vekir, û îro di navbera Sûrîyeyê, Dewletên Rojavayî û Amerîkayê de berjewendîyên yeksan hene.”
Her weha destnîşan kir ku: “Sûrîye pêwîstî derfeteke nû ya jîyanê ye, û Serok Donald Trump sizayên li ser wê rakirin, lê divê Kongress ji bo rakirina wan ya daîmî bêtir tev bigere.”
Serok El-Şara’ tekez kir ku : “Gava sereke, ewlehî û aramî ye ku bi rêya yekbûna gel û xaka Sûrîyê û pêşvebirina geşepêdana aborî pêk tê.”
Der barê Bûyerên Laziqîye û Siwêdayê de, Serok El-Şara’ got: “Me komîteyên dûvçûnê pêk anîn û rê da komîtên navdeweltî. Her weha ji Sûrîyê tê xwestin ku kesên ku tedarîyê digihînin her sivîlekî, bên sizakirin, ji ber ku ew dewleteke qanûnê ye. Wekî din jî, sînordarkirina rahiştina çekan bo dewletê, Sûrîyê ji pevçûn û nakokîyan diparêze.”
Der barê peyama bi HSDê re, Serok El-Şara’ got: “Me HSDê vexwend ku tevlî Artêşa Sûrîyeyê bibe û me ji wan re tekez kir ku mafên Kurdan parastî ne, lê derengî di pêkanîna peymanê de heye. Her weha da xuyakirin ku divê em xwe bigihînin çareserîyên aştîyane û zû bên pêkanîn, bi taybetî peymana 10 Adarê ya bi HSDê re.”
Serok El-Şara’ tekez kir: “Di pêkanîna hikûmetê de, me pergala levakirinê red kir û ya hevkarîyê pejirand û me bêhtir guh dayê ku hikmûmeke kesên pispor be. Wekî din jî, Sûrîyê, bi tevhîya welatan re rêbaza têkilîyên aram daye ber xwe da ku nebe jêdera metirîsa tu alîyî.”
Serok El-Şara’ berdewam kir: “Sûrîye di qonaxa avakirinê de ye, loma, girîng e ku têkilîyên normal bi hemû welatan re hebin.” Her weah destnîşan kir ku : “Îsraîlê gelek zîyan gihandine Sûrîyeyê û hîn jî Colan dagirkirî ye û dikeve nava xaka Sûrîyê, lê Sûrî hewl dide ku xwe dûrî şer bigire, ji ber ku ew di qonaxa avakirinê de ye.”
Serok El-Şara’ got: “Berê me li aramîyê ye û divê derfeteke jinûveavakirinê bê dayîn. Heke aramî bi cih bibe û Îsraîl pabendî tiştê ku dê li ser were rêkeftin, heye ku danûstandin pêşve biçin.”
Serok El-Şara’ tekez kir ku: “Divê Îsraîl ji xaka Sûrîyeyê vekişe, û metirsîyên ewlehîyê dikarin bi rêya danûstandinan werin çareserkirin, lê belê, pirs ev e: “Ma Îsraîlê metirsîyên ewlehîyê an armancên berfirehkirinê hene? Ev tişt dê danûstandin eşkere bikin.””
Serok El-Şara’ da xuyakirin ku: “Gelê Sûrîyê xurt û bihêz e, û ez hêza xwe ji Xwedê û dûre jî ji vî gelî werdigirim.”
Serok El-Şara’ lê zêde kir: “Em li ser geşepêdana aborîya Sûrîyê disekinin. Karekî mezin li pêşîya me ye ku em aborîyekê ava bikin, û kadroyên me yên jêhatî hene ku vê bikin, tenê pêwîst e ku siza werin rakirin.”
Serok El-Şara’ li talîyê jî ev yek got: “Sûrîye dikare pirsgirêkên xwe çareser bike û bibe beşek ji pergala cîhanê ya mezin.”
Berdewam dibe…
