Rîyad-SANA
Erebistana Siûdî bi tundtirîn şêwe derbasbûna neyasayî ya serokê hikûmeta dagirkerîya Îsraîlê Benjamin Netanyahu bo nav axa Sûrîyê şermezar kir, û piştrast kir ku ev yek binpêkirineke berçav a serwerîya Sûrîyê û yekparçeyîya axa wê, her wisa binpêkirineke eşkere ya qanûna navneteweyî pêk tîne.
Wezareta Derve ya Erebistana Siûdî di daxuyanîyekê de ku duh Pêncşemê li ser platforma “X”ê belav kir, got: Şaneşîn tekezîyê li ser girîngîya rawestandina binpêkirin û destdirêjîyên Îsraîlê li dijî axa Sûrîyê, û pabendbûna bi Peymana Veqetandina Hêzan a sala 1974an dike, bi awayekî ku ewlehî û aramîya herêmê biparêze.
Şaneşînê her wisa piştgirîya xwe ji bo serwerîya Sûrîyê û yekparçeyîya axa wê jî nû kir.
