Amsterdam-SANA
Gotûbêjên Rêveberê Têkilîyên Giştî di Desteya Giştî ya Dergeh û Gumrikan de Mazin Elûş ên duh Sêşemê ligel Rêveberê Giştî yê Polîtîkayên Koçberîya Navdewletî li Wezareta Dadê ya Holandî Victor Kramer, giranî dan asoyên hevkarîya hevbeş di warên girêdayî nûjenkirina dergehên sînorî û piştgirîkirina hewldanên aramîyê li Sûrîyê.
Elûş, di hevdîtinê de, ku li kêleka serdana şandeya Desteya Giştî ya Dergeh û Gumrikan bo Holandayê pêk hat, ew hewldanên mezin ên ku desteyê di nûjenkirina binesazîya dergehên sînorî, pêşxistina şîyanên wê yên sazûmanî û bilindkirina kalîteya kadroyên wê de dane ber xwe, nîşan dan. Bi awayekî ku beşdarî amadekirina jîngeheke ewle û birêxistinkirî bibin ji bo pêşwazîkirina kesên ku vedigerin cih û warên xwe.
Navborî her wiha tekezî li ser girîngîya hevkarîya heyî ya ligel Rêxistina Navdewletî ya Koçberîyê û Komîserîya Bilind a Neteweyên Yekbûyî ya Karûbarên Penaberan kir û pêwîstîya avakirina li ser vê hevkarîyê û berfirehkirina wê di qonaxa bê de anî zimên.
Elûş spas û pêzanînên xwe ji bo piştgirîya Hikûmeta Holandî bo projeyên ku armanca wan xurtkirina aramîyê li Sûrîyê ye, nexasim yên ku bi rêya rêxistinên navneteweyî li dergehên sînorî tên cîbicîkirin, nîşan dan, û bal kişand ser xema alîyê Holandî ya ji bo xurtkirina torên hevkarîya hevbeş ligel sazîyên Sûrîyê.
