Şam – SANA
Wezîrê Derve û Koçberan ê Sûrîyê Es’ed Hesen El-Şeybanî û hevtayê wî yê Danîmarkî Lars Lokke Rasmussen, di konferanseke rojnamevanîyê ya hevbeş de li Koşka Tişrînê li Şamê, tekezî li ser hewldana her du welatan a ji bo pêşxistina têkilîyên dualî kirin.
El-Şeybanî got ku Sûrîyê serwerîya xwe ya niştimanî vegerandiye û Danîmark bûye hevpareke wê ya sereke, û helwestên Danîmarkê yên di Encumena Ewlekarîyê ya Navdewletî de û piştgirîya wê ji bo Yekîtîya Sûrîyê û biryara wê ya niştimanî bilind nirxand.
Wezîrê Derve her wiha anî ziman ku di gotûbêjan de behsa têkilîyên hevbeş, nûnertîya dîplomatîk, mekanîzmaya hêsankirina vegera penaberên Sûrî û destpêkirina encumeneke kar a Sûrî-Danîmarkî hate kirin ku dê serperiştîya têkilîyên aborî yên di navbera her du welatan de bike.
Ji alîyê xwe ve, Wezîrê Danîmarkî amaje bi wê yekê kir ku serdana wî hevdem bû ligel pîrozbahîya gelê Sûrîyê bi boneya salvegera rizgarbûna ji rejîma Beşar Esed a sûcdar, û tekezî li ser xwesteka welatê xwe kir ji bo derbasbûna ji şirîkatîyê bo piştgirîya tevahî û zêdekirina qebareya alîkarîyan ji bo gelê Sûrîyê.
Wezîr Rasmussen hêvîya welatê xwe anî ziman ku di paşerojeke nêz de ceza ji ser Sûrîyê bên rakirin da ku derfet ji kompanîyên Danîmarkî re çêbibe ku li wir veberhênanê bikin, û amaje bi pêkanîna komîteyeke taybet kir ji bo lêkolînkirina rewşa wan penaberên ku dixwazin vegerin welatê xwe.
Tê nûkirin…
