Şam-SANA
Hikûmeta Sûrîyê bi piştgirîya Urdun û Amerîkayê, nexşerêyeke neteweyî ji bo çareserkirina rewşa Siwêdayê da destpêkirin. Wezîrê Derve yê Sûrîye û Urdunê, di civîneke çapemenîyê de li Şamê piştrast kir ku armanca vê destpêşxerîyê dermankirina birînên Siwêdayê û xurtkirina yekîtî û ewlehîya neteweyî ye. Di heman demê de, redkirina her destêwerdaneke bîyanî ya ku serwerîya Sûrîyê têk dide.
El-Şeybanî: Nexşerêya hikûmetê, rêya yekîtî, lihevhatin û aramîyê dide pêş
Hikûmeta Sûrîyê, bi piştgirîya Urdun û Amerîkayê, nexşerêyeke zelal danîye da ku mafan garantî bike û piştgirîya edalet û lihevhatinê bike, û gavên pratîkî ji bo dermankirina birînan û vegerandina aramîyê vedihewîne.
Gavên pratîkî jî ev in: Sizakirina sûcdaran, berdewamîya alîkarîyê, vegerandina heqê kesên zîyandar, vegera koçberan, vegerandina xizmetguzarîyên sereke yên jîyanê, bicihkirina hêzên herêmî, eşkerekirina çarenûsa kesên winda û destpêkirina pêvajoyeke lihevhatina navxweyî.
Wekî din jî, El-Şeybanî tekez kir ku piştgirîya navneteweyî hewldanên neteweyî temam dike û armanc ew e ku aramî û dilnîyayîyê ji her maleke Sûrî re were vegerandin.
El-Sefedî: Urdun di gavên jinûavakirin û aramîyê de sedî sed bi Sûrîyê re, yekîtî û ewlehîya Sûrîyê jî stûneke ewlehîya herêmî ye
Cîgirê Serokwezîr û Wezîrê Karên Derve û Koçberan ê Urdunê, El-Sefedî, ji alîyê xwe ve da xuyakirin ku Urdun di gavên jinûavakirin û aramîyê de sedî sed bi Sûrîyê re, her weha tekez kir ku yekîtî û ewlehîya Sûrîyê jî stûneke ewlehîya herêmî ye, û aramîya Başûrê Sûrîyeyê aramîya ewlehîya Urdunê ye.
Li alîyê din jî, wî destêwerdana bîyanî û projeyên cudaxwaz ên Îsraîlê red kirin, û bal kişand ser mekanîzmayeke Sûrî, Urdun û Amerîkî ji bo pêkanîna gavên ku hatine ragihandin.
Her weha wî bawerîya welatê xwe bi şîyana Şamê ya vegerandina bawerîyê û bidestxistina aramîyê piştrast kir, di heman demê de, şerê tunekirinê yê Îsraîlê yê li ser Xezeyê şermezar kir.
Barak: Amerîka tekez dike ku pabendî piştgirîya hikûmeta Sûrîyeyê ye
Şanderê Amerîkî, Thomas Barrack, ji alîyê xwe ve tekez kir ku Amerîka pabendî piştgirîya hikûmeta Sûrîyê ye.
Her weha destnîşan kir ku Sûrîye xwedî dîrokeke dewlemend û hikûmeteke nû a gencan e ku ji bo bidestxistina serfirazîyê her li ber xwe dide.
