Dewha- SANA
Hat ragihandin Serokê Komara Erebî ya Sûriyeyê, Ehmed el-Şara di serdana xwe ya ku îro li Qeterê kir de ji bo rayedarên Qeterê piştgiriya dewleta Sûriyê cardin diyar kir.
Li gorî agahîyên ku hatine wergirtin Serokê Komara Erebî ya Sûriyeyê, Ehmed el-Şara, ji ber êrîşên rejîma dagirker a îsraîl piştgiriya Sûriyeyê ji bo Dewleta Qeterê cardin anî zimên û îfade kir ku çavkaniya hêza her neteweyekê di yekîtiya wê de ye, lê parçebûna wê dibe sedema qelsiya wê.
Serokê Komara Erebî ya Sûriyeyê, Ehmed el-Şara îro bi şiklekî fermî beşdarî civîna awarte ya Erebî-Îslamî de li Dohayê bû. Serok el-Şara di vê civînê de axavtinek kir û di axaftina xwe ya di civîna awarte ya Erebî-Îslamî de ya li Dohayê derbarê êrîşa Îsraîlê ya li dijî Qeterê ya hefteya borî de got: “Kuştina danûstandinkarekî dîrokî tiştekî kêm e, û hedefgirtina navbeynkarekî bêhempa ye. Di heman çarçoveyê de, êrîşa Îsraîlê ya li ser Xezzeyê berdewam dike, û êrîşên wê yên li ser Sûriyeyê neh meh in berdewam dikin.”
Serok el-Şara di berdewama axavtina xwe de wiha li axavtina xwe zêde kir: “Tu neteweyek qet hêzên xwe nekiriye yek û kom nekiriye ji bilî ku hêza wê zêde bûye, û tu neteweyek qet nehatiye parçekirin ji bilî ku qels bûye. Helbestvan dibêje: Dema ku hûn bi dilekî jîr û hişk – û bi pozê xwe yê dijwar – yek bibin, neheqî dê we dûr bixe.”
Serok El-Şara axaftina xwe ya di civînê de wiha bi dawî kir: “Ez û hemû gelê Komara Erebî ya Sûriyeyê ji ber dilsoziya xwe û edaleta helwesta wê, li kêleka Dewleta Qeterê ne.”
Her wekî ku dê bê bîran civîna awarte ya Ereb-Îslamî îro li Dohayê dest pê kir da ku li ser êrîşa Îsraîlê ya li dijî Qeterê nîqaş bê kirin. Ev civîn bi beşdariyeke berfireh ya ji serokên welatên Ereb û Îslamî hat kirin. Biryar e ku di dawiya civînê de daxuyaniyek ku ji aliyê wezîrên derve ve duh hatiye amadekirin were weşandin, ku tê de helwesta yekgirtî û hevgirtina berfireh a Ereb û Îslamî bi Dewleta Qeterê re di rûbirûbûna vê êrîşê de were diyar kirin.
