Waşington-SANA
Lêkolîneke Amerîkî nîşan daye ku xwendin, lîstin û çareserkirina mamikan bi zarokan re di salên wan ên pêşî de, bi çalakîyeke mezin a mejî ya warên baldarî û danûstendina civakî ve girêdayî ye, ev yek jî girîngîya danûstandina rasterast a bi zarokan re derdixe holê ji bo ku piştgirîya pêşveçûn û şîyanên wan ên fêrbûnê bike.
Lêkolînerên li Zanîngeha Northwestern a Amerîkî, di lêkolînekê de ku kovara zanistî ya «Mejî û Ziman» duh Çarşemê weşand, dîyar kir ku wan çalakîya mejî li cem zarokan wê hingê şopandiye ku bi dêûbavên xwe re çalakîyên wekî xwendina çîrokan û levsiwarkirina parçeyên lîstikan (Jigsaw Puzzle: lîstikên ji parçeyên cuda) pêk dianîn û ev yek bi wê çalakîyê re berawird kiriye ku zarok li fîlman temaşe dikin.
Encaman nîşan daye ku danûstandina rasterast a bi dêûbavan re, ji temaşekirina fîlman zêdetir, beşa mêjî ya ku bi baldarî û danûstandina civakî ve girêdayî, çalak kiriye. Ev yek girîngîya beşdarkirina zarokan di çalakîyan de nîşan dide; li şûna ku tenê bi çalakîyên temaşekirinê ve bên sînorkirin.
Her di vê çarçoveyê de, lêkolînê dîyar kir ku ev awayên hanê li cem hemû zarokên derketiye holê ku şîyana wan a zimanî cuda ye, di nav wan de jî zarokên ku bi otîzmê ketine yan jî pêşveçûna ziman li cem wan dereng ketiye; ev encam hemû, girîngîya dabînkirina derfetên danûstandin û lîstina hevbeş li gorî pêdivîyên her zarokê, berçav dikin.
