Waşington-SANA
Kompanya “Wispr Flow” a Amerîkî ku di warê pêşxistina bernameyên diktekirina (îmlaya) dengî û veguherandina axaftinê bo nivîsê de pispor e, guhertoya xwe ya fermî ji sepana diktekirina dengî ya bi piştgirîya zîrekîya çêkirî (AI) li ser pergala Androidê da destpêkirin. Ev pêngav hebûna wê di bazara amûrên nivîsandina bi deng de xurt dike.
Li gorî raporeke ku malpera “TechCrunch” a teknolojîk belav kiriye, kompanyê di pergala Androidê de mekanîzmayeke cuda ji iOSê bi kar anîye; bi vî rengî ku mirov dikare sepanê bi rêya “bilqeke gerok” li ser sepanên din bi kar bîne, ligel îmkana dewisandina dirêj ji bo axaftinê yan jî destpêkirin û rawestandina tomarkirinê bi awayekî destî.
Tevî ku belavkirina sepanê bi qonaxan dest pê kiriye, lê sepanê di nav çend rojan de zêdetirî 1.3 mîlyon peyvên bilêvkirî tomar kirine. Her wiha, tevahîya fînansekirina kompanyê gihîştiye 81 mîlyon dolarî û nirxê wê di gera dawî de gihiştiye nêzîkî 700 mîlyon dolarî.
