New York-SANA
Lêkolîneke nû ya Amerîkî derxist holê ku vexwarina ava bacanan ligel soyayê, dibe alîkar ji bo kêmkirina asta kulbûna demdirêj di laş de; ev jî bi saya hebûna du pêkhateyên gîyayî yên ku wekî dij-oksîdanên xurt tên naskirin.
Malpera “Verywell Health” a Amerîkî ya taybet bi warê tenduristîyê, li ser zarê lêkolînerên Zanîngeha “Ohio State” ragihand ku lêkolîn li ser 12 kesên ku kîloyên wan zêde ne hat encamdan.
Van kesan di dema çar hefteyan de ava bacanên sor û soyayê ya tevlîhev vexwarin, paşê çar hefteyên din tenê ava bacanan a asayî vexwarin.
Encamên lêkolînê nîşan dan ku tevlîhevkirina her duyan, asta proteînên berpirsîyarên iltîhabê di laş de bi rengekî berbiçav kêm kiriye.
Lêkolîneran dîyar jî kir ku kulbûna demdirêj an jî “iltîhaba bêdeng”, rewşeke astnizm e ku bêyî nîşaneyên xuya di laş de berdewam dike.
Wan tekezî li ser rola sereke ya sîstema xwarinê di sînordarkirina vê iltîhabê de kir; ji ber ku xwarinên riwekî pêkhateyên giring ên wekî “Lycopene” di firingîyan de û “Isoflavone” di soyayê de dihewînin, ku her du jî li dijî kulbûnê xwedî bandoreke mezin in.
