Waşington-SANA
Dezgeha pizîşkî ya Amerîkî “Cleveland Clinic” hişyarî da ku hin xwarinên berbelav hene eger mirov wan zêde bixwe, iltîhabên demdirêj ên girêdayî nexweşîyên dil, şekir û kirîza mêjî zêde dikin, û tekez kir ku parêzeke hevseng van metirsîyan kêm dike.
Dezgehê dîyar kir ku xwarinên herî dîyar, ên tê pêşnîyarkirin ku mirov wan kêm bike ev in:
- Şekirên tevlêkirî: Yên ku di vexwarinên gazdar, şêranî û sosên amadekirî de hene; ji ber ku şekirê xwînê bilind dikin û însulînê zêde dikin.
- Rûnên veguherî: Ji alîyê tenduristîyê ve qet ne ewle ne. Di xwarinên ji ard çêdibin û madeyên ku qehwê spî dikin de hene.
- Goştê sor û yê çêkirî: Wekî burger û sucukan, ji ber ku gelek rûn di wan de heye.
- Karbohîdratên parzûnkirî: Wekî nan û birinca spî, û spaketîyên kêmfîber.
Ji alîyekî din ve, Dezgehê pêşnîyar kir ku divê mirov li dijî iltîhaban derkeve û tenduristîya xwe ya giştî xurt bike, û ev yek jî bi rêya zêdekirina xwarinên xwezayî pêk tê; wekî sebze û fêkîyên rengîn ên antîoksîd di wan de pir in, beqle, goştê mirîşkan û bikaranîna zeyta zeytûnan di çêkirina xwarinê de.
