Gundewarê Şamê-SANA
Gula Şamê wekî yek ji sembolên herî girîng ên kelepora çandinîyê ya Sûrîyê tê hesibandin, ji ber nirxa wê ya dîrokî, aborî û çandî ya mezin. Ew bi bêhna xwe ya bêhempa û bikaranîna xwe ya pirreng di pîşesazîyên xwarin, derman û ciwankarîyê de navdar e.
Çandina Gula Şamê bi piranî li gundewarê Şamê belav dibe, ku werza çinînê dibe boneyeke keleporî û civakî û şênîyên navçeyê û cotkar tê de beşdar dibin. Ev yek hevdem e bi pêvajoyên dilopandina gulan û derxistina rûnên bêhnxweş û ava gulan, her weha hilberîna şerbet, mireba û berhemên ciwankarî û dermanî yên bi vê hilberîna keleporî ve girêdayî ne.
Serokê Daîreya Çandinîyê ya Nebekê Eymen Tebanî di daxuyanîyekê de ji bo SANAyê tekez kir ku bajarê Nebekê bi çandina Gula Şamê tê naskirin, bi taybetî li gundê El-Merah ku yek ji girîngtirîn deverên belavbûna wê ye. Li wir li ser rûberên berfireh tê çandin û piranîya wê girêdayî çandinîya bi ava baranê ye.
