Waşington-SANA
Lêkolînerên li Zanîngeha Bijîşkî ya Karolinaya Başûr stratejîyeke nû ya dermankirinê pêş xistine ku dibe bibe sedema guherîneke mezin di dermankirina nexweşîya şekir a cûreyê 1 de. Ev yek bi rêya gihandina şaneyên ku însulînê hildiberînin (ku di laboratuwarê de hatine çêkirin) ligel şaneyên parastinê yên endezyarkirî pêk tê.
Lêkolîneran dîyar kir ku ev şaneyên parastinê yên sererastkirî mîna “nobedaran” ji bo şaneyên hatine çandin dixebitin, ku ev yek alîkarîya berdewamîya hilberîna însulînê di hundirê laş de dike.
Lêkolîneran bal kişand ser wê yekê ku ev lêkolîn hîn di qonaxa xwe ya berî-klînîkî de ye, lê encamên destpêkê şîyana parastina şaneyên hatine çandin ji bo demeke dirêjtir nîşan dane, li gorî ceribandinên ku berê hatine kirin.
