Bruksel-SANA
Kompanîyên şîr ên cîhanî yên herî mezin, ji ber skandala pîsbûna bi maddeya jehrî ya bi navê “Cereulide”, vekişandina şîrê zarokan ji bazaran berdewam dikin. Rayedarên Fransî piştî mirina du dergûşên ku tê guman kirin şîrê pîskirî yê berhemê “Nestlé” vexwarine, lêkolînan dikin. Di heman demê de hikûmeta Belçîkayê ragihand ku dergûşekî din ji ber heman sedemê nexweş ketîye.
Her wiha, kompanîya “Lactalis”ê li 18 welatan berhemên marqeya xwe “Picot” ji ber metirsîyeke muhtemel paşde vekişandin, û kompanîya “Danone”yê jî piştrast kir ku hinek beşên şîr ji ber gumanên pîsbûnê hatine vekişandin.
Li alîyê din, her du kompanîyên “Vitagermine” û “Hochdorf Swiss Nutrition” jî li Fransa û Swîsreyê şîrê zarokan ji bazaran berhev kirin.
Tê zanîn ku maddeya “Cereulide” jehreke li hember germê berxwedêr e; ev jehr ji alîyê hin bakterîyên ku di nav xwarinê de şîn dibin tê hilberandin û dibe sedema nîşaneyên wekî vereşîn û îshalê.
Kompanîya “Nestlé France” di 10ê Kanûna borî de ragihandibû ku wan hinek beşên şîrê zarokan ên ku guman heye bi wê maddeyê pîs bûne, ji bazaran vekişandine.
