Nûdelhî-SANA
Tîmek ji bijîşkên Enstîtuya Niştimanî ya Lêkolînên Bijîşkî li Hindistanê, li Baxçeyê Ajelan ê Alîporê li bajarê Kolkatayê dest bi pişkinîna şevşevokan kirin, ji bo piştrastkirina egera hilgirtina vîrusa kujer a Nîpahê. Ev pêngav piştî tûşbûna du xebatkarên tenduristîyê li eyaleta Bengala Rojavayê hat avêtin.
Vîrusa Nîpahê wekî yek ji metirsîdartirîn vîrusên cîhanê tê dabeşkirin, ji ber ku heta niha tu derman an vaksînek ji bo wê peyda nebûye. Rêjeya mirinê di encama vê vîrusê de di navbera %40 û %75 de ye. Vîrus bi giranî bi rêya rovîyên firok û cureyên din ên şevşevokan an jî bi xwarina fêkîyên ku bi lîka ajelê nexweş qirêj bûne, derbasî mirovan dibe.
Hindistanê berê çar caran tûşbûna bi vê vîrusê tomar kiribû; du caran li eyaleta Bengala Rojava di salên 2001 û 2007an de, û du caran jî li eyaleta Keralayê di salên 2018 û 2019an de. Vê yekê rayedar neçar kirin ku tedbîrên çavdêrî û pişkinînê zêde bikin da ku silametîya welatîyan misoger bikin.
