Tokyo-SANA
Piştî zêdetirî deh salan di ser karesata Fukushima ya sala 2011an re derbas bûne, Parêzgeha Niigata ya Japonyayê, biryar da ku santrala nukleerî ya Kashiwazaki-Kariwa, ku mezintirîn santrala cîhanê ye, careke din bide xebitandin.
Santral nêzîkî 220 kîlometreyan li bakurê rojavayê Tokyoyê ye, ew yek ji 54 stasyonên nukleerî ye yên ku piştî erdhej û tsunamîya ku karesata herî dijwar a nukleerî -piştî Çernobîlê- pêk anîbûn hatibûn girtin.
Ji wê demê ve, Japonyayê 14 stasyonên nukleerî ji 33 stasyonên ku karîbûn wan bidin xebitandin vekirine. Ev gav beşek ji karê kêmkirina bikaranîna sotemenîyên ji bin erdê derdixin yên ku ji derve tên hawirdekirin.
Berî ku santrala nukeerî vekin, bendavek bi bilindîya 15 metran ji bo parastina wê ji tsunamîyê ava kirin, her weha sîstemeke elektrîka yedek jê re danîn û hin tedbîrên saxlemîyê yên din jî standin.
Japonya hewil dide ku hêdî hêdî vegere bikaranîna enerjîya nukleerî, di heman dema berfirehkirina bikaranîna enerjîya nûjenbar, ya ku plan dike heta sala 2040î wê bike jêdera sereke ya enerjîyê.
