Waşington-SANA
Li gorî ragihandina Guinnessê, jin û mêrê Amerîkî Eleanor Gittens (107 salî) û Lyle Gittens (108 salî), ku li bajarê Mayamî yê parêzgeha Florîdayê dijîn, piştî ku 83 salan bi hev re jîyan, sernavê jîyana hevjînîyê ya herî dirêj li cîhanê wergirtin.
Komîteya Verastkirinê ya Cîhanî ya malpera “Longevity Quest” piştrast kir ku rekor rast e, piştî vekolîna belgeya zewacê ya sala 1942an û tomarên serjimarîya Amerîkî, ligel gelek belgeyên arşîvî, ji bo peyitandina ku zewaca Gittens di dîrokê de ya herî dirêj e.
Li gorî malperê, temenê her du hevjînan bi giştî zêdetirî 216 salî ye, ku ev yek wan dike zewaca herî pîr a sax li cîhanê jî.
Çîroka hevjînan di sala 1941ê de dest pê kir, dema ku ew di lîstikeke basketbolê de li Zanîngeha Clark a bajarê Atlantayê hev dîtin, ku Lyle lîstikvanê tîmê bû, û piştî wê bi salekê zewicîn.
Jin û mêr heta îro jî bi hev re dijîn û tekez dikin ku “evîna hevpar” sira berdewamîya zewaca wan a dirêj e. Eleanor gotiye: “Em ji hev hez dikin” û Lyle jî hestên xwe bi gotina: “Ez ji jina xwe hez dikim” anîye ziman.
Malbata Gittens sernav piştî mirina Maria de Souza Dino (102 salî) di Cotmeha borî de bi dest xist, ku jina Brazîlyayî Manuel Engfilm Dino (106 salî) bû û berê ew xwedîyê sernavê bûn.
