Moskow-SANA
Zanyarin ji Zanîngeha Bijîjkî ya Pîrogov a Rûsyayê, yekem amûra destî ya analîzkirina DNAyê pêş xistin, ku rê dide teşxîskirineke xwebixwe ya zû û rast a nexweşîyên vegirtinê bêyî pêwîstîya bi taqîgehekê yan çavdêrîya bijîjkî ya rasterast.
Alîna Gamisonîya, Rêvebera Navenda Hevrêzîya Perwerdekirina Kadroyan di Warê Teknolojîyên Genetîkî de li zanîngehê, di daxuyanîyên xwe de ji rojnameya Rûsî “Izvestia” re got: “Ev amûr îro çareya yekem û tenê ye li Rûsyayê ji bo teşxîskirina nexweşîyê li malê bi bikaranîna testa DNAyê”.
Gamisonîya eşkere kir ku berê amûrên teşxîskirinê yên destî hebûn, lê biha bûn û tenê ji alîyê pisporan ve dihatin bikaranîn, wekî karûbarên lezgîn an artêşê.
Gamisonîya destnîşan kir ku amûra ku dikare ji nû ve were bikaranîn, pêwîstî bi vebînerên (kaşif) taybet ên yek-carî hene. Her yek ji wan dikare heya şeş sedemên nexweşîyan destnîşan bike. Komkirina nimûneyan tenê du-sê deqeyan digire, û encam di nav 20 heta 40 xulekan de derdikevin.
Gamisonîya anî ziman ku vebînerên ku hatine bikaranîn bi hesasîyet û rastîya xwe ya bilind têne nasîn, ku ew dihêle ku bibe amûreke bibandor ji bo teşxîskirina zû ya nexweşîyên vegirtinê li malê.
Hêjayî gotinê ye ku analîza DNAyê amûreke zanistî ya rast e ku ji bo têgihîştina koda genetîkî ya mirov tê bikaranîn, û sepanên wê ji peyitandina nesebê heta teşxîstkirina nexweşîyên genetîkî dirêj dibin.
