Şam – SANA
Di 24 demjimêrên borî de, ji encama bûyerên trafîkê li herêmên cuda cuda yên Sûrîyê, kesekî jîyana xwe ji dest da û 18 kesên din birîndar bûn. Tîmên Parastina Sivîl a Sûrîyê yên ser bi Wezareta Rewşên Awarte û Birêvebirina Karesatan ve, bersiva wan da.
Parastina Sivîl, îro Pênşemê bi rêya kanala xwe ya Telegramê, dîyar kir ku tîmên wê bersiva 14 bûyerên trafîkê daye; di encamê de kesekî jîyana xwe ji dest daye û 18 kes birîndar bûne. Alîkarîya seretayî pêşkêşî birîndaran hat kirin, paşê ji bo dermankirina pêwîst bo nexweşxaneyan hatin veguhestin, her wiha şûnmayên bûyeran hatin rakirin û cihên wan hatin ewlekirin.
Parastina Sivîl careke din di bîra ajokaran de anî ku girîng e leza xwe kêm bikin, ji rewşa teknîkî ya otomobîlê û xebîtîna fren û paqijkerên caman piştrast bibin, û ji reftarên şaş ên ku baldarîyê di dema ajotinê de kêm dikin, mîna bikaranîna telefona destan, dûr bikevin.
Li alîyê din jî, tîmên Parastina Sivîl bersiva 21 şewatê da, ku li nava malan, dikanên bazirganîyê, gîya, dar, zibil û kabloyên elektrîkê derketibûn. Tîman agir vemirandin û cihên wan sar kirin, bêyî ku tu kes birîndar bibe, û zirar tenê madî bûn.
