Parêzgeh – SANA
Di 24 demjimêrên borî de li parêzgehên cuda cuda yên Sûrîyê, di encama bûyerên trafîkê de, ku tîmên Parastina Sivîl yên ser bi Wezareta Rewşên Awarte û Birêvebirina Karesatan ve bersiva wan da, 5 kesan jîyana xwe ji dest da û 31 kesên din birîndar bûn.
Parastina Sivîl, îro duşemê, bi rêya kanala xwe ya Telegramê, ragihand ku 13 bûyerên trafîkê çêbûne; di encama wan de 5 kesan jîyana xwe ji dest daye û 31 kesên din ên sivîl birîndar bûne. Tîman çareserîyên seretayî ji birîndaran re pêşkêş kirin paşê ew ji bo wergirtina dermankirinê veguhastin nexweşxaneyan, her wiha tîmên Parastina Sivîl şûnmayên bûyeran paqij kirin û ewlehî li cihên wan peyda kirin.
Li alîyekî din, tîmên Parastina Sivîl a Sûrîyê, bersiva 47 şewatan li seranserî Sûrîyê da; şewat li nava malan, dikanên bazirganîyê, gîya, dar, sergo û kabloyên elektrîkê derketibûn. Tîmên Parastina Sivîl kar ji bo vemirandina şewatan û sarkirina cihên wan kirin, bê ku tu rewşên birîndarbûna sivîlan werin tomarkirin. Di heman demê de zîyanên din tenê madî bûn.
