Laziqîyê – SANA
Rêveberîya Ewqafa Laziqîyê, îro Înê, piştî bidawîhatina kar û xebatên nûjenkirin û çaksazkirina wê, mizgefta gundê Zenzefê li gundewarê bakurî yê parêzgehê vekir.
Serokê Rêveberîya Karûbarên Mizgeftan di Rêveberîya Ewqafa Laziqîyê de, Cîhad El-Hemûd, di daxuyanîyekê de ji SANAyê re dîyar kir ku Rêveberîyê planeke tekûz ji bo nûjenkirin û jinûveavakirina çend mizgeftan li parêzgehê amade kiriye, di nav wan de mizgefta gundê Zenzefê ya ku ji alîyê rêjîma berê ve rastî topbaranê hatibû.
Her wiha da xuyanîkirin ku cihê mizgeftê li cem xaçerêya li ser Rêya Giştî ya Keseb – Laziqîyê, giringîyeke taybet lê bar dike.
Ji alîyê xwe ve, Cemal Ereb ku yek ji niştecihên deverê ye, kêfxweşîya xelkê bi boneya jinûvevekirina mizgeftê anî zimên; bi taybetî piştî ku di pey qutbûnekê re ku nêzîkî çardeh salan dom kir, dîsa li nava wê civîyan.
