Şam – SANA
Dozgerê Giştî dadwer Hesan El-Turbe ragihand ku doza mafê giştî li dijî berpirsên dîyar ên rejîma berê (Atif Necîb, Ehmed Hesûn, Mihemed El-Şe’ar, Îbrahîm El-Hiwêce) hatiye vekirin. Ev gav di çarçoveya tevgereke dadwerî de tê ku ji alîyê Desteya Niştimanî ya Dadwerîya Veguhêz ve tê birêvebirin, bi armanca çespandina serwerîya yasayê û heqdayîna zîyanên qurbanîyan.
Dezgehên ewlehîyê zincîreke operasyonên hûr pêk anîn û di encamê de hejmarek berpirsên têwerbûyî di tawanên şer de hatin girtin, ji wan: Emced Ûsiv yê ku komkujîya Tedamunê pêk anîbû, Amir Yûsiv Silêman El-Hesen, û Atif Necîb ê ku di 31ê Kanûna Duyem a 2025an de hatibû girtin, ligel Rîyad Hemdo El-Şihade û Emmar Mihemed Emmar. Her wiha girtinên din Xeyis Mihemed Silêman Şahîn, Silêman Deyûb, Feyad El-Xanim ê ku di qaçaxçîtîya keptagonê de têwerbûye, Kasir Ehmed El-Elî û Ratib Elî Xanim li xwe girtin. Digel vê yekê, torên tawana rêxistinkirî yên Wesîm û Numeyir El-Esed hatin hilweşandin, her wiha di 27ê Îlona borî de biryarnameyeke girtinê ya ne-amade bi tometên kuştin û îşkenceyê li dijî Beşar El-Esed derçû.
Wezîrê Dadê Mezher El-Weys darizandinên eşkere yên berpirsên rejîma berê li Şamê da destpêkirin, di heman demê de daxwazên navneteweyî ji bo radestkirina kesên revîyayî hene. Li gorî Serokê Desteya Niştimanî Ebdulbasit Ebdulletîf, armanca van rêkaran pêkanîna dadwerîya veguhêz û avakirina aştîyeke domdar e bi rêya rêreweke dirêj a hesabpirsînê.
