Şam-SANA
Rêveberî û daîreyên leşkerîyê yên girêdayî Rêveberîya Leşkerî û Seferberîyê li Wezareta Berevanîyê, duh Yekşemê dest bi vekolîna belgeyên fermî û tomarkirina daneyên xwendekarên serlêder ji bo tomarkirina li Zanîngeha Niştimanî ya Zanistên Berevanîyê kir, wekî amadekarîyekê ji bo şandina wan bo pişknînên pizîşkî û ezmûnên paşê, û temamkirina qonaxên mayî yên qebûlkirina li zanîngehê.
Rêveberê Rêveberîya Leşkerîyê li Parêzgeha Şamê Elî El-Ne’san, ji bo SANAyê dîyar kir ku pêvajoya vekolînê bi piştrastkirina mercên qebûlkirinê yên mîna rêjeya giştî, temen û sala derketina bawernameya lîseyê dest pê dike, ligel piştrastkirina belgeyên fermî û agahîyên sereke yên her serlêderekî, di nav de nasnameya kesane, cureyê xwînê, û pîvanên bedenî ji dirêjahî û kêşê da ku ji bo xizmeta leşkerî guncaw bin, heta ku digihîje tomarkirina elektronîk a daneyan û girtina wêne û pencemorê; piştre jî ji bo xwendekar dîrokek ji bo pişknînên pizîşkî û hevpeyvîna leşkerî tê dîyarkirin da ku rêkarên endamtîyê bi dawî bibin.
