Dêrezor-SANA
Berbanga îro Yekşemê, di encama binavbûna kelekekê de ku hejmarek sivîl -jin û zarok jî di nav de- hildigirtin, piştî ku li bajarê Dêrezorê li pira leşkerî ya avê ya demkî qelibî, du zarokan jîyana xwe ji dest da û 15 sivîl hatin rizgarkirin.
Parastina Sivîl a Sûrîyê bi rêya kanala xwe ya Telegramê dîyar kir ku tîmên wan destwerdan di binavbûna kelekeke ku zêdetirî 35 sivîl hildigirtin, piştî ku tûşî kêmanîyeke teknîkî bû û şepêla avê ew bi xwe re bir û bû sedem ku li pira leşkerî ya avê bikeve kir. Li gorî amareke destpêkê jî, du zarokan jîyana xwe ji dest daye.
Parastina Sivîl destnîşan kir ku tîmên wan bi hevkarîya xelkê û wezaretên Tenduristî û Berevanîyê karîbûn heta niha 15 kesan rizgar bikin, di heman demê de operasyonên rizgarkirinê û lêgerîna li kesên din ên windabûyî li cihê bûyerê berdewam dikin, ligel bikaranîna dronên termal, ji bilî tîmên rizgarkirina avê ku di nav ava çem de digerin û tîmên bejayî ku li ber beravan digerin.
Rêveberê Nexweşxaneya Niştimanî li Dêrezorê, Dr. Ubeyde Ebdulrezaq di daxuyanîyekê de ji bo SANAyê piştrast kir ku cenazeyên du zarokan û hejmarek birîndaran ji ber binavbûna kelekekê gihîştine nexweşxaneyê, û dîyar kir ku rewşa birîndaran aram e.
