Şam – SANA
Ji ber bûyerên trafîkê û şewatên ku di nav 24 demjimêrên borî de li parêzgehên cuda cuda yên Sûrîyê rû dan, û tîmên Parastina Sivîl yên ser bi Wezareta Rewşên Awarte û Birêvebirina Karesatan destwerdana wan kir, du kes mirin û 30 kes jî, birîndar bûn.
Parastina Sivîl ragihand ku 27 bûyerên trafîkê qewimîne û di encamê de du kus mirine û 27 sivîl birîndar bûne. Tîman alîkarîyên seretayî ji wan pêşkêş kirin, ew veguhestin nexweşxaneyan, şûnmayên bûyeran rakirin û cihên wan jî ewle kirin.
Her weha tîmên parastinê bersiva 133 şewatan li seranserê Sûrîyê, ku tê de du endamê agirkujîyê û keseke sivîl birîndar bûn, dane. Zirarên din tenê di warê madî de sînordar bûn.
Parastina Sivîl bi bîr anî, ku divê agir li deverên daristanî û zevîyên çandinîyê neyê pêxistin, binikên çixareyan li kêleka rêyan, nexasim deverên berhemên çandinîyê, neyên avêtin, gîyayên hişk ên derdora malan neyên şewitandin, û bi rêyên ewle werin rakirin.
