Bankok-SANA
Sûrîyê tekez kir ku sepandina berpirsyarîyên zêde yên girêdayî oksîda nîtrozê (N₂O) berî encamdana lêkolîneke teknîkî, sazûmanî û darayî ya berfireh li ser bandorên wê yên muhtemel red dike, bi awayekî ku şert û merc û hewcedarîyên welatên di rêya geşepêdanê de li ber çavan bigire.
Rêveberê Guhertinên Keşûhewayê û Hişyarîya Jîngehê li Wezareta Rêveberîya Herêmî û Jîngehê Enes El-Rehmûn, duh Pêncşemê, di beşdarîya xwe ya di Civîna 48emîn a Koma Kar a Vekirî ya Protokola Montrealê (OEWG48) de li Bankoka paytexta Taylandê, zelal kir ku divê her berpirsyarîyeke nû xwe bispêre nirxandineke tekûz a li ser encamên wê yên aborî û jîngehî.
El-Rehmûn bal kişand ser pêwîstîya liberçavgirtina rewşa welatên di rêya geşepêdanê de, bi taybetî ew welatên ku aborîya wan xwe dispêre çandinîyê, ji ber ku heye ku sînordarkirinên nû bandorên xwe li ser berhemhênana çandinîyê û ewlehîya xurekê bikin.
