Şam – SANA
Endamê Desteya Niştimanî ya Dadwerîya Veguhêz parêzer Redîf Mistefa, tekez kir ku rûniştina darizandina tawanbar Ehmed Bedredîn Hesûn qonaxeke berbiçav e di pêvajoya dozê de, ji ber ku di rûniştinê de delîl hatin pêşkêşkirin û guhdarî li gotinên şahidên mafê giştî û yên parastinê li gorî rênmayîyên qanûnî yên pejirandî hat kirin.
Mistefa dîyar kir ku di rûniştinê de şahidekî nepenî şahidhalîya xwe, ya girêdayî tawanbarîyên wekî fînansekirina komên çekdar, derfetdîtina desthilata xwe û keysanîna ji malbatên girtîyan bû, pêşkêş kir. Her wiha têkilîyên tawanbar bi fermandarên ewlehî û leşkerî yên rejîma têkçûyî re hatin eşkerekirin. Mistefa destnîşan kir ku dadgeh van îfadeyan dinirxîne da ku bawerîya xwe ya dadwerî ava bike.
Her wiha bal kişand ser wê yekê ku rola Rêveberîya Lêpirsîn û Darizandinê ew e ku piştgirîyê bide dadmendîyê bi rêya amadekirina dosyayên qanûnî yên hevgirtî û belgekirî, da ku berpirsên binpêkirinên giran li gorî qanûnên Sûrîyê û pîvanên navdewletî bêne sizadan, ligel misogerkirina garantîyên dadgehkirina dadmendane.
Mistefa di dawîyê de tekez kir ku dadwerîya veguhêz li gorî rêkarên dadwerî yên durist ava dibe da ku mafê qurbanîyan were dabînkirin, tu kes nikaribe ji cezayê bireve, û serwerîya qanûnê were çespandin.
