Dêrezor-SANA
Li bajarê Dêrezorê piştî nîvê şeva Yekşema borî ku du termên din dîtin, hejmara qurbanîyên bûyera binavbûna keleka ku sivîl tê de bûn, di nav wan de jin û zarok jî hebûn, sibeha îro Sêşemê, gihişt 6 mirîyan.
Di heman demê de, tîmên Parastina Sivîl a Sûrîyê li Wezareta Rewşên Awarte û Birêvebirina Karesatan, ji bo roja sêyem li ser hev, karên lêgerîna li windayan didomînin.
Fermandarê Operasyonan li Rêveberîya Rewşên Awarte û Birêvebirina Karesatan li Dêrezorê Usama Erebo, di daxuyanîyekê de ji bo SANAyê dîyar kir ku di dema operasyonên lêgerînê yên sibeha îro de, cenazeyên du qurbanîyên binavbûna kelekê hatin dîtin.
Yek ji wan cenazeyê keçeke 8 salî ye li gundê Meratê, û yê din jî yê ciwanekî li nevçeya Hiwêcet Sekerê ye.
Her du term ji bo Nexweşxaneya Niştimanî ya bajêr hatin birin da ku bi fermî radestî malbatên wan bên kirin. Bi vî awayî hejmara giştî ya kesên ku cenazeyên wan hatine derxistin gihişt 6 kesan, ku ji 4 zarok û 2 ciwanan pêk tên.
