Şam-SANA
Îro Yekşemê, endamên Encumena Gel a Sûrîyê Mistefa Mûsa wekî cîgirê yekem ê serokê encumenê û Madona Bişare jî wekî cîgira duyem a serokê encumenê hilbijartin.
Mistefa Mûsa 122 deng wergirtin, lê Madona Bişare 67 deng wergirtin. Hejmara berbijêrên her du postên cîgirîyê 10 kes bûn.
Dr. Mistefa Mûsa parlamenterê parêzgeha Îdlibê ye. Di destpêka şoreşê de di warên alîkarî, mirovî û sîyasî de kar kiriye.
Serokê Encumena Şûrayê ya Giştî li navçeya Îdlibê bû û wekî endamê Komîteya Amadekar a Kongreya Dîyaloga Niştimanî ya Sûrîyê hatibû dîyarkirin.
Mûsa hilgirê bawernameya dermansazîyê ye ku ji zanîngeheke Urdunî wergirtiye.
Dr. Madona Bişare akademîsyen û lêkolînvaneke Sûrî ye, ku bawernameya doktorayê di endezyarîya bajêrvanîyê de wergirtiye.
Bişare seroka beşa endezyarî û birêvebirina avakirinê ye li fakulteya endezyarîya sivîl li Zanîngeha Laziqîyê. Lêkolînên wê li ser astê cîhanê hatine weşandin û ew çalakvaneke civaka sivîl e.
