Şam – SANA
Wezareta Rewşên Awarte hişyarî da ku pêleke nû ya tozê (ku jêdera wê Bakurê Afrîkayê ye) ji êvara îro Şemîyê ve heta roja Yekşemê bandora wê xuya dike. Bandora herî giran li herêma başûr (Şam û gundewarê wê, Quneytira, Dera û Siwêda) dibe, û li parêzgehên dî kêmtir e.
Rêveberîyê bang kir ku komek rêkarên xweparastinê werin girtin, ku ev in:
1- Li cihên vekirî gelekî nemînin.
2- Danîna maskê dema derketina ji malê.
3- Asêkirina derî û pencereyan da ku rê li ber ketina tozê bê girtin.
4- Parastina zarok, kal û pîr û nexweşên tengenefesîyê, û pêwîstîya mayîna wan di malan de.
5- Piştrastkirina hebûna dermanên pêwîst û yên ku ji alîyê bijîşkê pispor ve ji bo nexweşên pergala nefesê hatine dîyarkirin.
6- Qedexekirina lîstina zarokan li derve.
7- Av baş bê vexwarin ji bo kêmkirina bandora tozê li ser pergala nefesê.
8- Şûştina rû û poz bi rengekî baş piştî vegera ji derve.
9- Dûrketin ji kirina werzişê li derve di dema tozê de.
10- Kêmkirina lezê û ajotina bi baldarî li deverên ku tê de toz û mij heye.
11- Çûna ber bi xala bijîşkî ya herî nêz dema ku kuxikeke giran yan tengenefesî çêbibe.
Duh Înê bajarên Sûrîyê tozeke giran dît, ku encama nizmefşarekê bû ku ligel bayekî başûr-rojavayî yê çalak hatibû.
