Şam-SANA
Misilman di 1ê meha Miheremê ya her sal de, bîranîna Koça Pêxember (s.x.l) a pîroz ji Mekeya Pîroz ber bi Medîneya Minewer ve tînin bîra xwe. Ev bûyer wekî werçerxeke mezin û xaleke veguherînê di dîroka bangewazîya Îslamî û avakirina dewletê de tê hesibandin. Piştre Koç wekî bingeha salnameya ku Misilmanan pesend kiriye, hat hilbijartin.
Salnameya Koçî wekî yek ji nîşaneyên şaristanî yên herî dîyar di dîroka Îslamî de tê dîtin. Misilmanan ew wekî pergaleke demê ya yekgirtî ji bo birêvebirina karûbarên xwe yên olî û îdarî bi kar anî. Di nava zêdetirî çardeh sedsalan de, ev salname bûye beşeke resen a nasnameya şaristanî û çandî ya gelên Misilman.
Lêkolînerê Zanistên Îslamî û Civakî Mihemed Yamin Hemze di daxuyanîyekê de ji bo SANAyê da zanîn ku Ereban berî Îslamê salnameyeke yekgirtî ji bo hejmartina salan nedinasî, lê wan dîroka salan bi bûyerên mezin ên ku tê de diqewimîn tomar dikir, wekî “Sala Fîl”ê û bûyerên din ên navdar.
