Şam-SANA
Hêzên Ewlehîya Hundirîn tawanker Ebdilîlah Îsmaîl El-Hemed girtin, ji ber ku destê wî di pêkanîna tawanên şer û binpêkirinên berfireh di serdema desthilatdarîya rejîma berê de hebû.
Wezareta Hundir îro Yekşemê di kanala xwe ya Telegramê de dîyar kir ku lêkolînan tekez kir ku Îsmaîl fermandarîya pêkhateyeke leşkerî di nav komika “Lîwaya El-Quds”ê de kiriye, û beşdarî operasyonên leşkerî li çend parêzgehan bûye. Her wiha, navborî birêvebirina baregehên ewlehîyê kiriye ku tevlî tawanên revandin, bazirganîya medeyên hişbir û îşkenceya sivîlan a ku dibe sedema mirinê bûne.
Wezaretê tekez kir ku proseya girtinê piştî çavdêrî û şopandineke hûr hat ku hewldana wî ya xweveşartinê ji bo reva ji hesabpirsînê pûç kir. Alîyên peywendîdar di temamkirina rêkarên yasayî yên li dijî wî de berdewam in, da ku wî radestî dadgehê bikin û cezayê xwe yê dadmend wergire.
