Şam – SANA
Berdevkê Wezareta Navxwe ya Sûrîyê, Nûredîn El-Baba, teqîna ku roja Sêşemê li devera Bab Şerqî ya Şamê ji ber otomobîleke bombebarkirî li nêzî avahîya Wezareta Berevanîyê rû da û bû sedema şehîdbûna leşkerekî û birîndarbûna 23 kesên din ku piranîya wan sivîl in, şermezar kir.
Lêkolînên destpêkê hinek nîşane derxistin holê. El-Baba amaje bi egera girêdana şaneyên terorîst bi paşmayên rejîma hilweşîyayî, yan bi milîsên derve û komên tundrew re kir, û tekez kir ku ew di ser stratejîya ewlehîya xweparastinê û operasyonên pêşwext re tên şopandin.
Wezaret armanc dike ku bigihîje asta “sifir operasyonên terorîstî”, û dê di demek nêz de hûrgulîyên şaneyan û hejmara girtîyan ragihîne. Her wiha berdewamîya xwe di hilweşandina wan û pêşxistina şîyanên ewlehîyê bi sîstemên çavdêrîyê yên nûjen tekez kir, ligel pabendbûna xwe bi parastina welatîyan û milkên wan û xurtkirina hevahengîya ewlehîyê.
