Heseke-Heleb-SANA
Berdevkê Komîteya Bilind a Hilbijartinên Encumena Gel a Sûrîyê Newar Necme serkeftina pêvajoya hilbijartinan li parêzgeha Hesekê û devera Kobanê (Eyn el-Ereb)ê li parêzgeha Helebê ragihand. Necme tekez kir ku şênîyên Hesekê bi ser ketin ku gotina xwe ya rastîn li ber çavê Sûrîyan û cîhanê bibêjin.
Navboî di daxuyanîyekê de ji bo SANAyê dîyar kir ku serkeftina pêvajoya hilbijartinan li parêzgeha Hesekê, xala werçerxanê ya sereke ye di nexşeya Sûrîya nû de. Wî ev wekî ezmûneke rastîn dît ku vîna şênîyên parêzgehê nîşan dide da ku bibin parçeyekî çalak di dîmena niştimanî ya hevgirtî û bihêz de.
Berdevkê Komîteya Bilind a Hilbijartinên Encumena Gel a Sûrîyê Newar Necme her wiha anî ziman ku rêjeya beşdarbûnê li herêmên cuda ji sedî 95 derbas kir. Wî bal kişand ser wê yekê ku piştî ragihandina encaman, dê derîyê îtîrazan ji bo 48 saetan vekirî bimîne, berî ku encamên dawî bi fermî werin eşkerekirin.
